വാരിയംകുന്നത്ത് കുഞ്ഞഹമ്മദ് ഹാജി -1866 

മഞ്ചേരി നെല്ലിക്കുത്തിൽ വാരിയം കുന്നത്ത് മൊയ്തീൻ കുട്ടി ഹാജിയുടെയും കുഞായിശുമ്മയുടെ യും മകനായി ജനിച്ചു . പിതാവ് മൊയ്തീൻ കുട്ടി ഹാജിയും 1894  ലെ മണ്ണാർക്കാട് ലഹളയിൽ പങ്കെടുത്തു ആന്ധ മാനിലേക്ക് നാടുകടത്തപ്പെട്ട  ബ്രിട്ടീഷ് വിരുദ്ധ പോരാളിയായിരുന്നു .

സൌമ്യനും ,ശാന്തനുമായിരുന്ന ഹാജി ബ്രിട്ടീഷ് ഭരണകൂടത്തോട് ഒരു വിധത്തിലും സമരസപ്പെട്ടിരുന്നില്ല .

ആലി മുസ്ലിയാരോടോത്തു നിന്ന് വെള്ളക്കാര്ക്കെതിരെ പട പൊരുതിയ ഹാജിയുടെ ചരിത്രം , 

കലാപത്തെ അധികാരി വര്ഗം വർഗീയ കലാപമാക്കി മാറ്റാൻശ്രമിച്ച വേളയിൽ  സഹോദര സമുദായങ്ങളെസംരക്ഷിക്കാനും, അവരെയും തങ്ങളോടൊപ്പം നിർത്താനും, 

സാധാരണക്കാരായ ജനങ്ങളുടെ സ്വത്തിനും ജീവനും സംരക്ഷണം നല്കാനും കാണിച്ചിരുന്ന ശുഷ്കാന്തി ,

തന്നോടൊപ്പമുള്ളവരെ സംരക്ഷിക്കാൻ വെള്ള പട്ടാളത്തിന്റെ നേരെ പാഞ്ഞടുത്ത ധീരത , 

എല്ലാം ഓരോ ദേശ സ്നേഹിയ്ക്കും രോമാ ഞ്ചത്തോടെ മാത്രമേ  വായിച്ചു തീര്ക്കാൻ കഴിയൂ .. 

ഒടുവിൽ  ആ ധീര ദേശാഭിമാനിയെ ബ്രിട്ടീഷ് പട്ടാളം പിടികൂടി 1922  ജനുവരി ഇരുപതിന് മലപ്പുറം മഞ്ചേരി റോഡിലെ കോട്ടകുന്നിന്റെ  ചെരുവിൽ വെച്ച്  വെടി വെച്ച് കൊല്ലുകയായിരുന്നു .. 

ആ ധീര യോദ്ധാവിന്റെ ഓര്മ്മയ്ക്ക് നാല് വരികൾ ഇവിടെ കുറിക്കട്ടെ .......

വാരിയം കുന്നത്ത്  ഹാജി മൂപ്പരെ ധീരത യുള്‍ കൊണ്ടരീ കഥ

വാരികുന്തത്തിന്റെ മുന്നില്‍ നെഞ്ചകം കാട്ടി കൊടുത്തൊരു  ശൂരത 

പാരില്‍ പരലോക പ്രീതി  ഉള്‍ക്കൊണ്ട്‌  പോരിന്നിറങ്ങിയോരീ കഥ 

പാടി പറയുവാന്‍ ആഫിയത്തേക്  ആലം പടച്ചുള്ള  റബ്ബനാ 

പേരും പെരുമയും നേടുവാനല്ലാതെ
ഘോരം ഗര്‍ജ്ജിക്കുന്ന തോക്കുകള്‍ മുമ്പാകെ
ചോരയോഴുക്കി മരിച്ചവരില്ലാതെ
വീര ചരിതം രചിച്ചവര്‍ പിന്നാലെ
സത്യം  മറന്നീടുന്നു - ശുഹദാക്കള്‍
നിത്യം  ജീവിച്ചീടുന്നു .............          (വാരിയം കുന്നത്ത്  ഹാജി)

ലക്‌ഷ്യം പിഴച്ചു പതിച്ചു പോയുള്ള പീരങ്കിക്കുണ്ട് പഴം കഥ
പക്ഷം പിഴച്ചു കുതിച്ചു വന്നു തോറ്റോടിയൊളിച്ച  നായര്‍ പട


മമ്പുറം സയ്യിദ് അലവി തങ്ങള്‍ തൊട്ട്
ചെമ്പന്‍ പോക്കര്‍ ഉണ്ണി മൂസ ഹൈദ്രോസ് കൂട്ട്
അത്തന്‍ കുരിക്കള്‍ ആദം മുസ്ലിയാരും  മുമ്പ്
എത്തിര നേതാ നയിച്ചു  സമരം മുമ്പ്
സ്വരാജ്യത്തെ  തേടി കൊണ്ട് - ഈമാനെന്ന
ആയുധ മേന്തി കൊണ്ട് ........

                                                    (വാരിയം കുന്നത്ത്  ഹാജി)

കേരളമിന്നോളം കേട്ടറിഞ്ഞൊരു കേവല യുദ്ധ മല്ലീ കഥ
കേളി മികച്ചൊരു ധീര യോദ്ധാവിന്‍ പോരിശയേറിയോരീ കഥ


ധീര സഹാബത്തിന്‍ പോരിശ കേട്ടാരെ
നേരെയടുത്തോരാ ധീരനതിനാലെ
ചോര ചിതറി തെറിച്ചൊരു മണ്ണാലെ
ഘോരം വിളിച്ചു തക്ബീര്‍ ധ്വനിയാകെ
മണ്ണിലമര്‍ന്നീടുന്നു  -വാരിയം
കുന്നത്തോരോര്‍മ്മയിന്ന്

വാരിയം കുന്നത്ത്  ഹാജി മൂപ്പരെ ധീരത യുള്‍ കൊണ്ടരീ കഥ

വാരികുന്തത്തിന്റെ മുന്നില്‍ നെഞ്ചകം കാട്ടി കൊടുത്തൊരു  ശൂരത