കദീസുമ്മാന്റെ ഏലസ്സ്

കദീസുമ്മ ന്റരയിലെ എലസ്സിന്റെ മണി പോയ കഥയൊന്നുകേള്‍ക്കണ്ടേ നാട്ടില്‍ 

ശുഅലില്ല ചെറുപ്പക്കാര്‍ സുഖമായിട്ടുറങ്ങാത്ത  കഥയിത് കേള്‍ക്കണ്ടേ ..

പുരുഷന്മ്മാര്‍ പരസ്പരം പറയുന്നു അടക്കം 

പരസ്യമായി പല വിധ രഹസ്യങ്ങള്‍ ഒടുക്കം 

കദീസുമ്മ വരുന്നുന്ടെന്നറിഞ്ഞതില്‍ തിടുക്കം 

ഗടി പാഞ്ഞിന്നവനുള്ളതൊരു ചെറു ഞരക്കം 

തല വിധി അതിനാല് - പടച്ചോനെ -  പലവിധ ഗുലുമാല് 

                                                (കദീസുമ്മന്റരയിലെ എലസ്സിന്റെ മണി പോയ)

നിറുത്താതെ പറയുന്നു കദീസുമ്മ  ബെരുത്തം
നിരത്തിന്മ്മേല്‍ ചെറുപ്പക്കാര്‍ അത് കേട്ടിട്ടിരുത്തം
വരത്തന്മ്മാര്‍ അതുവഴി വന്നാലുടന്‍ പിടുത്തം
വരത്തില്ലെന്നോതി ചിലര്‍ അത് കേട്ട് നിറുത്തം
ചുരുക്കത്തില്‍ പറഞ്ഞാല് - പടച്ചോനെ- ഒടുക്കത്തെ  ഗുലുമാല്
                                               (കദീസുമ്മന്റരയിലെ എലസ്സിന്റെ മണി പോയ)

വിഷയത്തില്‍    ഇടപ്പെട്ടു  വിഷമിച്ചു    പലരും

പിരിശത്തില്‍ പണംനല്‍കി സഹായിച്ചു ചിലരും 

അരിശത്തില്‍  കദീസുമ്മ  നിരസിച്ച്  പലതും 

കുരിശായി ഒടുവിലാ സഹായങ്ങള്‍ ചിലതും 

കലപില അതിനാല് -പടച്ചോനെ -നൂലാമലാ  ഗുലുമാല് 

                                             (കദീസുമ്മന്റരയിലെ എലസ്സിന്റെ മണി പോയ)

അരക്കെട്ടും കുലുക്കി കൊണ്ടൊരു ദിനം കദീസുമ്മ വരുന്നൊരുനേരത്ത്  -നാട്ടില്‍

പുര കെട്ടി നടക്കുന്ന പറങ്ങോടന്‍ ചിരിച്ചും കൊണ്ടിരിക്കുന്നു മുറ്റത്ത്‌

ഒരു കെട്ടു പുകലക്ക് പണ മില്ലാത്തിവനെന്തേ ചിരിയ്ക്കുന്നീ നേരത്ത്  -ഞാനും 

പുര വിട്ടു പുറത്തേക്ക് നടന്നൊരു അടി കാണാന്‍ വകുപ്പുണ്ട് എന്നോര്‍ത്ത് 

                                              (കദീസുമ്മന്റരയിലെ എലസ്സിന്റെ മണി പോയ)

പറങ്ങോടനറിയാമാ മണിയുടെ രഹസ്യം 

പറയാതെ ഇരുന്നതെന്താണെന്നാ ണിന്നതുസ്യം  

പറയാതിരിക്കാന്‍ വയ്യ ഇനി ഇത് പരസ്യം 

പറയുമ്പോള്‍ നിങ്ങള്‍ കരുതിടും വെറും ഹാസ്യം 

പറഞ്ഞില്ല  അതിനാല് - പടച്ചോനെ - പലവിധ ഗുലുമാല്
                                              (കദീസുമ്മന്റരയിലെ എലസ്സിന്റെ മണി പോയ)

കദീസുമ്മ ന്റരയിലെ എലസ്സിന്റെ മണി പോയ കഥയൊന്നുകേള്‍ക്കണ്ടേ - നാട്ടില്‍ 

ശുഅലില്ല ചെറുപ്പക്കാര്‍ സുഖമായിട്ടുറങ്ങാത്ത  കഥയിത് കേള്‍ക്കണ്ടേ ..

പല പകല്‍ മാന്യന്മ്മാരും തല താഴ്ത്തി നടക്കുന്ന തറിയുന്നതിന്നല്ലേ  - വട്ടി

പലിശക്ക് പണം നല്‍കും മമ്മൈസാന്റെ മുഖത്തുള്ള കരിമഷി തെളിവല്ലേ